Zvicër: Mblidhen miliona franga për viktimat e luftës në Ukrainë

(KEYSTONE/Gaetan Bally)

Organizata bamirëse e Korporatës Zvicerane të Transmetimeve ka mbledhur më shumë se 115 milionë CHF për viktimat e luftës në Ukrainë, përcjell albinfo.ch.

Swiss Solidarity tha të martën se publiku kishte mbledhur 115,132,116 CHF që nga marsi.

Sipas organizatës bamirëse humanitare, paratë do të përdoren për projekte ndihme në Ukrainën qendrore dhe perëndimore, duke ofruar kryesisht ushqim, ujë, kujdes mjekësor si dhe ndihma të vogla në para.

Programet për të ndihmuar refugjatët ukrainas në Poloni, Rumani dhe Moldavi do të përfitojnë gjithashtu.

Një rekord prej 50 milionë CHF ishte dhuruar gjatë një dite speciale për mbledhjen e fondeve më 9 mars, përcjell tutje albinfo.ch.