Lajme

Zvicër: 249 raste të reja me Covid-19 në 24 orët e fundit

Mesatarja e 7 ditëve të fundit ka rënë në 329, që është 34 për qind më pak se në javën e kaluar. Janë regjistruar dy raste të vdekjes në 24 orët e fundit

Zyra Federale e Shëndetit Publik (ABG) ka raportuar 243 raste të reja pozitive për koronavirusin, të regjistruara në 24 orët e fundit, shkruan srf.ch.

Me këtë numër, mesatarja e 7 ditëve të fundit ka rënë në 329, që është 34 për qind më pak se në javën e kaluar. Incidenca 14-ditore aktualisht është 59.85, transmeton albinfo.ch.

Shkalla mesatare pozitive 7-ditore aktualisht është 2.0 për qind. Kjo do të thotë se nga 100 teste, rreth 2 teste ishin pozitive mesatarisht. Krahasuar me javën e kaluar, norma pozitive ka mbetur e njëjtë.

Numri i testimeve gjatë 7 ditëve të fundit është 20,549 teste në ditë, ose 12 për qind më pak se javën e kaluar.

BAG ka raportuar edhe 2 raste të reja të vdekjes. Mesatarja 7-ditore është 2 të vdekur në ditë.
Aktualisht BAG raporton 284 persona, të cilët janë duke u trajtuar në spital për Covid-19. Kjo është 27 për qind më pak se në javën e kaluar.