Lajme
Zvicër: 23,888 raste të reja dhe 39 vdekje për tri ditë
Mesatarja 7-ditore e rasteve është 8617 raste ose 19 për qind më shumë se një javë më parë. Aktualisht janë 257 pacientë me Covid-19 në kujdesin intensiv
Zyra Federale e Shëndetit Publik (BAG) në pasditen e sotme ka raportuar 23,888 raste të reja që kishin rezultuar pozitive me koronavirus gjatë 24 orëve të fundit.
Mesatarja 7-ditore e rasteve është 8617 ose 19 për qind më shumë se një javë më parë, shkruan srf.ch.
Me trendin aktual, mesatarja 7-ditore e infeksioneve të reja dyfishohet afërsisht çdo 28 ditë, transmeton albinfo.ch. Incidenca 14-ditore aktualisht është 1266.41.
BAG raporton për 72 orët e fundit po ashtu 181 shtrime të reja në spital, mesatarja 14-ditore është 72 shtrime në ditë. 1494 persona aktualisht po trajtohen në spital për Covid-19 dhe kjo është 20 për qind më shumë se në javën e kaluar.
Aktualisht janë 257 pacientë me Covid-19 në kujdesin intensiv. Kjo është 18 për qind më shumë krahasuar me javën e kaluar. Shtretërit e kujdesit intensiv në spitalet zvicerane (përfshirë shtretërit ad-hoc) janë aktualisht 79 për qind të zënë, përcjell albinfo.ch. 30 për qind e shtretërve të kujdesit intensiv janë të zënë nga të sëmurët me Covid 19.
BAG ka raportuar 39 raste të reja të vdekjes gjatë tri ditëve të fundit. Mesatarja 7 ditore është 16 të vdekur në ditë që është 13 për qind më shumë se në javën e kaluar.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl