Lajme
Zvicër: 157 dhurues organesh për transplantim gjatë vitit 2019
Më shumë se 580 njerëz kanë marrë të paktën një organ nga këta donatorë. Disa prej tyre kanë marrë madje nga disa organe
Organet nga 157 persona të vdekur janë transplantuar në Zvicër gjatë vitit të kaluar. Ndryshe, më shumë se 580 njerëz kanë marrë të paktën një organ nga këta donatorë. Disa prej tyre kanë marrë madje nga disa organe, shkruan srf.ch.
Transplantimi më i shpeshtë ishte ai i veshkave, i cili u bë 332 herë, transmeton albinfo.ch. 168 persona kanë marrë përmes transplantimit nga një mëlçi, 39 vetave u është dhuruar dhe transplantuar zemra dhe 39 vetave mushkëritë. Ndërkaq 25 persona kanë marrë pankreasin.
Megjithatë, qindra njerëz janë ende në pritje të një organi të dhuruar. Sipas Fondacionit Kombëtar për Dhurimin e Organeve dhe Transplantimin, Swisstransplant, në fund të vitit 2019 ishin 1415 persona ende në pritje të një dhurimi të organeve.
Sipas Swisstransplant, numri prej 157 donatorëve në vit është mjaft i vogël, në krahasim evropian. Nga 157 dhuruesit e organeve, njëqind kishin vdekur nga vdekja cerebrale (e trurit). 57 të tjerët, nga vdekja cerebrale pas një arresti kardiovaskular (infarkti).
Në lidhje me Regjistrin Kombëtar të Dhurimit të Organeve, Swisstransplant tërheq një bilanc pozitiv, përcjell albinfo.ch. Ky regjistër u lansua në tetor të vitit 2018, ndërsa deri në fund të dhjetorit 2019, dëshirat e tyre për dhurim organesh në këtë regjistër i kishin regjistruar 79.229 persona.
Mungesa e shprehjes së vullnetit për dhurim organesh, para vdekjes së pacientëve çon në një shkallë të lartë refuzimi të marrjes së organeve në spitale, transmeton albinfo.ch. Sipas kësaj, gjysma e të afërmve të pacientëve të vdekur refuzojnë të dhurojnë organe nëse dëshira e pacientit për të dhuruar nuk ka qenë e shprehur në të gjallë të tij.
Të ngjashme
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?