Zjarri kaplon ndërtesën në Cyrih, burri dhe gruaja kërcejnë nga kati i tretë

Për të shpëtuar, një burrë dhe një grua kanë kërcyer nga kati i tretë.

STAPO ZÜRICH

Një ndërtesë në Zürich-Seebach është kapluar sot në mëngjes (e premte) nga një zjarr i rëndë, shkruan blick.ch. Kur forcat e shpëtimit erdhën te ndërtesa pak përpara orës 10, apartamenti në katin e tretë vetëm se ishte pushtuar nga flakët. Për të shpëtuar, një burrë dhe një grua kanë kërcyer nga kati i tretë. Ata i shpëtuan asfiksisë, por mbetën të lënduar dhe u dërguan me urgjencë në spital, përcjell albinfo.ch. Burri duheshte bile të operohet.

Dëmet e llogaritura janë rreth 10 mijë franga, ndërsa shkaku i flakëve është akoma i paqartë. E mira është se apartamentet tjera fqinje nuk janë dëmtuar.