Zhegrova, i shumëkërkuar në Itali

Edon Zhegrova shfaqi një super formë, duke qenë protagonist i padiskutuar me Lille këtë sezon, gjë e cila nuk ka shpëtuar pa u vënë re nga klubet evropiane.

Pas Juventus që prej javësh e ndjek me shumë interes sulmuesin e Kosovës, tashmë një tjetër klub i Serie A duket se ka shfaqur pëlqim për të.

Sipas raportimeve të mediave italiane, Roma është shumë e interesuar për 25-vjeçarin dardan dhe në verë pritet të vihet në lëvizje për të siguruar shërbimet e tij.

Gjithashtu flitet se edhe Napoli ka shfaqur interes për anësorin nga Prishtina, përcjell albinfo.ch.

Këtë sezon Zhegrova ka shënuar 12 gola dhe ka dhuruar 6 asistime në të gjitha garat me Lille.