Zgjedhjet në Rusi: Sipas exit poll-eve, Putini fiton me 88% të votave

Keystone (AP Photo/RIA Novosti, Alexei Nikolsky, Presidential Press Service)

Presidenti rus Vladimir Putin është “në rrugë” për një mandat të pestë në detyrë pas tre ditësh zgjedhjesh mbarëkombëtare, sugjeron një exit poll.

Sipas sondazheve shtetërore, Putin parashikohet të fitonte zgjedhjet presidenciale me 88% të votave, shkruan DW, transmeton albinfo.ch.

Sondazhi i VTsIOM i drejtuar nga qeveria tregoi se 71-vjeçari kishte fituar zgjedhjet, të cilat u zhvilluan gjatë tre ditëve të mëparshme.

Exit poll-et u publikuan pas mbylljes së qendrave të votimit në rajonin më perëndimor të Rusisë, Kaliningrad. Putini pritej gjerësisht të siguronte një mandat të pestë dërrmues pas një votimi që nuk përfshinte kandidatë të vërtetë të opozitës.

Putini është gati të zgjasë qeverisjen e tij gati çerekshekullore për gjashtë vjet të tjera.