Lajme
Zelanda e Re vendos izolim pas rastit të parë me COVID-19
Ky rast është i pari i konfirmuar pas 6 muajsh
Zelanda e Re ka njoftuar për mbyllje të menjëhershme, pasi një person rezultoi i infektuar me COVID-19.
Rasti u zbulua në Auckland, qytet i cili do të qëndrojë për një javë i mbyllur, ndërsa për pjesën tjetër të vendit është caktuar izolim 3-ditor. Coromandel, qyteti bregdetar që ka vizituar personi i infektuar, do të qëndrojë po ashtu i mbyllur për 1 javë.
Kryeministrja Jacinda Ardern tha se gjatë izolimit do të ketë rregulla të ashpra, si mbyllja e shkollave, zyrave dhe të gjitha bizneseve, përveç atyre të shërbimeve bazë.
Autoritetet thonë se po bëjnë procedurat e duhura për të zbuluar nëse personi në fjalë është infektuar me variantin Delta të virusit.
Pacienti është një burrë 58-vjeçar, i cili besohet të jetë infektuar që nga e enjtja e kaluar.
Të dhënat që Ministria e Shëndetësisë e Zelandës së Re lëshoi të hënën tregojnë se të gjitha rastet e COVID-19 që janë zbuluar në kufirin e vendit javët e fundit kanë qenë infektime me variantin Delta.
Në supermarketet në Auckland pati dyndje të qytetarëve, pasi pas konfirmimit të rastit vendasit parashikuan se do të ketë mbyllje të menjëhershme.
Zelanda e Re ka qenë e suksesshme në menaxhimin e situatës së pandemisë, pasi ka arritur të eliminojë infektimet e reja brenda kufijve, megjithëse kufijtë e saj ndërkombëtarë kanë qëndruar kryesisht të mbyllur.
Sidoqoftë, programi i vaksinimit ka përfunduar me një ritëm të ngadaltë, me vetëm rreth 20% të popullsisë të vaksinuar plotësisht dhe 33% që kanë marrë një dozë të vaksinës, sipas Our World in Data.
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë