Lajme
Zbulohet një variant i ri i COVID-19 në Vietnam
Nga rezultatet e testeve laboratorike, duket se ky variant mund të përhapet më lehtë sesa lloji i SARS-CoV-2 që u identifikua fillimisht në Kinë
Një variant i ri i virusit COVID-19 është zbuluar në Vietnam, sipas njoftimit të ministrit të Shëndetësisë në atë vend, Nguyen Thanh Long.
Nguyen Thanh Long tha se lloji i ri duket sikur përbën një formë hibride midis varianteve që u shfaqën në Indi dhe Mbretërinë e Bashkuar.
Nga rezultatet e testeve laboratorike, duket se ky variant mund të përhapet më lehtë sesa lloji i SARS-CoV-2 që u identifikua fillimisht në Kinë, në fund të 2019, transmeton Euronews, përcjell Albinfo.ch.
Organizata Botërore e Shëndetësisë ka renditur katër variantet më “shqetësuese” në rang global: variantet në Mbretërinë e Bashkuar dhe Indi, si dhe variantet e identifikuara në Afrikën e Jugut dhe në Brazil.
Nguyen Thanh Long shtoi se ky variant i ri mund të jetë shkaku i rritjes së numrit të të infektuarve me virusin në Vietnam, gjatë kohëve të fundit. Ky variant është përhapur në 30 nga 63 bashkitë dhe provincat e vendit.
Deri në fillim të këtij viti, Vietnami kishte regjistruar rreth 3,100 raste të pozitive dhe 35 vdekje nga COVID-19. Por gjatë javës së fundit vendi regjistroi më shumë se 3,500 raste të reja dhe raportoi 12 të vdekur.
Vietnami ka një popullsi prej 96 milionë banorësh dhe deri më tani janë vaksinuar rreth një milion persona me vaksinën antiCOVID “AstraZeneca”, ndërsa javën e kaluar u nënshkrua një marrëveshje për 30 milionë doza të vaksinës “Pfizer”.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?