Lajme
Zbulohet në Itali një variant i rrallë i koronavirusit
Është zbuluar në Itali një variant i ri dhe i rrallë i koronavirusit Covid-19. Mediat italiane raportojnë se ky variant i ri, i paidentifikuar asnjëherë në Itali, është zbuluar nga Instituti Pascale dhe Universiteti Federico II, në zonën e Napolit.
“Për momentin, nuk dihen fuqia e infeksionit dhe karakteristikat e tjera të këtij varianti, siç ndodh për shumë variante të rralla të virusit. Quhet B.1.525, dhe deri më tani vetëm 32 raste janë identifikuar në Britaninë e Madhe, dhe disa raste gjithashtu në Nigeri, Danimarkë dhe Shtetet e Bashkuara, por asnjëherë më parë në Itali”, thuhet në një deklaratë të Rajonit Campania, raporton A2 CNN, përcjell Albinfo.ch.
“Një profesionist që u kthye nga një udhëtim në Afrikë, rezultoi pozitiv me Covid-19 pas testimit. Falë bashkëpunimit të laboratorëve Federico II dhe Pascale, Giuseppe Portella i Federico II u identifikua rasti shumë i dyshimtë dhe në një kohë shumë të shkurtër ekipi i Nicola Normanno të Pascale ka zbuluar një variant Covid të paparë kurrë më parë në Itali deri më tani”, thuhet në deklaratë.
“Sekuenca e mostrës që na erdhi nga Policlinico Federiciano, shpjegon studiuesi i Institutit të Tumoreve të Napolit, na bëri të dyshojmë menjëherë, sepse nuk paraqiste ngjashmëri me mostrat e tjera nga rajoni ynë. Pas një krahasimi me grupin e Departamentit në Institutin Superior të Shëndetit patëm konfirmimin se është një variant i zbuluar deri më tani në rreth njëqind raste në disa vende evropiane dhe afrikane, por edhe në Shtetet e Bashkuara. Ne menjëherë e depozituam sekuencën në bazën e të dhënave ndërkombëtare GISAID dhe njoftuam autoritetet shëndetësore”. Të gjitha procedurat e parashikuara filluan menjëherë, duke filluar me gjurmimin e kontaktit”, thotë deklarata.
E-Diaspora
-
Olti Hyseni, 16-vjeçari shqiptar që po mahnit Danimarkën Futbollisti shqiptar, Olti Hyseni, 16-vjeçar, po mahnit lidhur me teknikën e lojës që ai bën në...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Austri
-
Austri: Priten deri në 400 anulime të fluturimeve për shkak të grevës Javët e negociatave në 17 raunde nuk dhanë rezultat: stafi në bord i AUA filloi grevën...
-
Sllovenia pret rritjen e numrit të sirianëve për në Austri e Gjermani
-
Eurodeputeti austriak kërkon largimin e masave ndëshkuese ndaj Kosovës
-
Austri: Të huajt përbëjnë 45 për qind të krimeve, shqiptarët nuk figurojnë
-
Gjithçka që ndryshon në Austri nga muaji prill