Lajme
Zbulohet gjysmë toni kokainë në fabrikën e Nespresso-s: Arrestohen dy shqiptarë
Ata janë arrestuar në Itali, në kuadër të hetimit për kokainën e sekuestruar në një fabrikë kafeje zvicerane. Vlera e shitjes në treg, 50 milionë franga
Në maj të vitit 2022 Policia Kantonale e Friburgut kishte konfiskuar 500 kilogramë kokainë në fabrikën Nespresso në Romont, kantoni Friburg. Punonjësit e Nespresso patën zbuluar një substancë të bardhë të panjohur gjatë shkarkimit të kokrrave të kafesë nga Brazili, transmeton albinfo.ch. Zyrtarët më pas gjetën aty kokainë me një pastërti prej 80 për qind në gjithsej gjashtë kontejnerë.
Vlera e shitjes në treg u vlerësua në mbi 50 milionë franga.
Hetimi për rastin kohët e fundit nga ana e prokurorisë publike të Freiburgut kishte ngecur. Por pastaj zyra e prokurorit publik në Basel-Landschaft e ka marrë përsipër rastin. Tashmë dy të dyshuar nga Shqipëria janë arrestuar me urdhër të Zvicrës, shkruan 20 Minutes. Të dy janë të vendosur në Lombardi, në Italinë veriore.
Siç ka raportuar një media shqiptare, njëri prej të dyve kishte kryer tashmë një krim, përfshirë këtu edhe në Tiranë. Ai tashmë është ekstraduar, siç raporton “24heures”, duke iu referuar një raporti nga “Gotham City”.
Dy ditë para se malli të zbulohej në Romont, dy personat thuhet se janë përpjekur më kot të nxjerrin drogën nga kontejneri në Frenkendorf (BL). Megjithatë, organizatorët e supozuar të dërgesës së kokainës nuk mundën kurrë të kapnin pluhurin e bardhë, sepse ngarkesa ishte dërguar tashmë në Glâne.
Nga hetimet e deritanishme ka rezultuar se kokaina, e cila dërgohej në thasë kafeje, nuk ishte e destinuar për kompaninë Nespresso në Romont, përcjell albinfo.ch. Kokaina kishte udhëtuar në një kontejner nga Santos në Brazil në Antwerp në Belgjikë përpara se të arrinte në Romont me hekurudhë.
Prokuroria publike e Basel-Landschaft shkruan se tre persona deri më tani janë dërguar në mbajtje në kuadër të hetimeve. Hetimet vazhdojnë.
(Fotot: Policia Kantonale, Friburg)
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?