Futboll
Xhaka rithekson kritikat dhe kërkesat ndaj kombëtares dhe Murat Yakin
Kapiteni i Zvicrës, Granit Xhaka, ka folur sërish lidhur me kritikat dhe kërkesat e tij në Zvicër
Pas barazimit 2-2 ndaj Kosovës, kapiteni i Natit, Granit Xhaka (31), bëri bujë me kritikat e tij për seancat stërvitore të Natit. Trajneri Murat Yakin (49) nuk u kursye në atë kohë, duke bërë edhe deklaratë lidhur me lojën me Kosovën, përcjell albinfo.ch.
Në një intervistë për SRF, mesfushori ka folur sërish për fjalët e tij. Ai dhe Yakin thanë se kishin një “bisedë të mirë dhe të hapur” që ishte e mirë për të dyja palët. “Me gjithë eksperiencat që kam pasur, mund të ndihmoj edhe trajnerin”, tha Xhaka.
Xhaka kërkon një bazë më të mirë për kombëtaren
Kapiteni Xhaka do të jetë edhe më i përfshirë në kombëtare: “Nuk bëhet fjalë për mua, por për gjithë ekipin”, sqaron Xhaka.
Ajo që është e rëndësishme për mesfushorin është: “Nuk ishin kritika ndaj trajnerit, por ndaj ekipit, ndaj shoqatës”. Ndoshta koha ishte e gabuar, Po të duhej, do të përsëriste deklaratat e tij.
Kapiteni ambicioz shtron si kërkesë:
“Ne lojtarët, në fakt, kërkojmë vetëm vende trajnimi më të mira.” Sepse nëse kushtet nuk janë më të mirat, nuk mund të stërvitesh në mënyrë optimale.
Xhaka shpreson se do të krijohet një bazë, në të cilën skuadra mund të takohet në vitet e ardhshme. Mbledhjet e kombëtares deri më tani janë zhvilluar gjithmonë në lokacione të ndryshme në Zvicër.
Kritikat brenda ekipit, të mirëseardhura
Ai gjithashtu do të donte të shihte pak më shumë kritika brenda ekipit: “Ne jemi mjaft të rritur për të pranuar kritikat herë pas here. Kjo është pjesë e saj”. Kombëtarja nuk duhet të “bëhet shumë rehat”, sepse vetëm kështu mund të bëjmë një hap përpara. Xhaka është absolutisht i vetëdijshëm për cilësinë e ekipit.
Në kualifikimet për Kampionatin Evropian gjërat po bëhen sërish serioze për kombëtaren pas anulimit të ndeshjes së Izraelit të dielën e ardhshme.
Theksohet se Zvicra do të takohet me Bjellorusinë në St. Gallen.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?