Vritet 20-vjeçarja shqiptare në Itali

Një vajzë 20 vjeçare me origjinë nga Shqipëria është gjetur e vdekur.

Ajo vdiq të dielën në mbrëmje, më 10 qershor 2018, në spitalin Santa Croce në Moncalieri pasi ishte flakur nga një makinë në rrugë në jug të Torinos, në zonën e Nichelino, përcjell albinfo.ch.

Ajo ishte shtruar në spital ku mbijetoi vetëm një ditë, pasi gjendja e saj ishte e rëndë. Sipas mjekëve, nuk ishte thjeshtë trauma e rënies për vdekjen e saj: ajo ishte rrahur fillimisht me egërsi, shkruajnë mediat italiane. Të shtunën në mbrëmje ajo u gjet nga një drejtues makine thuajse pa jetë në asfalt.

Një patrullë e Policisë Rrugore ndërhyri dhe e çoi çështjen tek hetuesit.  Tani për tani nuk dihet çfarë ka ndodhur: nëse ajo është eliminuar nga organizata për të cilën punonte apo apo kishte takuar klientin e gabuar.