E-Diaspora
Vrasja në Francë, bashkëshortja dyshonte se burri i saj po e tradhëtonte me fqinjen
Vrasja kishte bërë jehonë të madhe në qytetin e qetë Dole të Francës: Një kufomë pothuajse me kokë të prerë, ishte gjetur në një banesë në qendër të qytetit, më 29 shtator, shkruajnë mediat franceze, përcjell Albinfo.ch.
Artan Sekiraqa, një qytetar 33 vjeçar kosovar, ka jetuar në këtë banesë në katin e tretë të rrugës “Grande-Rue” 39A. Pranë kufomës së tij ishte gjetur një lloj sëpate, ndërsa analizat e ADN-së janë ende në rrjedhë e sipër.
Një kundërmim i fortë kishte alarmuar lagjen. Personi kishte vdekur disa ditë më parë.
Dyshimet e Prokurorisë së Dizhonit, shumë shpejt ranë mbi bashkëshorten Suzana Sekiraqa, gjithashtu 33-vjeçare, e cili ishte zhdukur nga Franca duke marrë me vete dy fëmijët e saj të moshës 4-, dhe 10-vjeçare. Ndaj saj ishte lëshuar një urdhërarrest ndërkombëtar dhe ishte lokalizuar në afërsi të Prishtinës në Kosovë, falë telefonit të tij celular, informon më tej Albinfo.ch.
Në fillim të tetorit, ajo arrestohet nga policia kosovare dhe i ka pranuar akuzat për veprën e kryer, ka theksuar të hënën Prokuroria e Besançonit. Autorja e dyshuar nuk do të gjykohet në Francë.
Gjykata vendosi të heqë dorë nga rasti përmes procedurës së “denoncimit zyrtar” në dobi të drejtësisë kosovare, vendit ku banon familja e viktimës dhe ajo e autorit.
Prandaj, Suzana Sekiraqa do të gjykohet në Kosovë dhe të gjitha aktet e procedurës, duke përfshirë edhe analizën e ADN-së dhe dëshmitë e ndryshme të grumbulluara, do të përcillen tek autoritetet gjyqësore të Kosovës.
Motivi për këtë vrasje dyshohet të jetë një marrëdhënie jashtëmartesore me fqinjen, të cilën e dyshuara disa herë e kërcënoi se do ta vriste, shkruajmë më tej mediat franceze, njofton Albinfo.ch.
Përderisa në Francë do të zhvillohej një proces i rregullt gjyqësor, mediat franceze paralajmërojnë se traditat lokale mund ta përshkallëzojnë situatën në mes dy familjeve, sipas Kanunit. Një traditë e vjetër e gjakmarrjes, që aktualisht ende është e pranishme në këtë vend.
Të ngjashme
Të tjera nga E-Diaspora
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?