Volvo shënon rënie të shitjes prej 4.6 për qind

Nga kompania suedeze Volvo nuk vijnë lajme edhe aq të mira.

Ky gjigant evropian ka njoftuar se ka shënuar rënie të shitjes në gusht dhe atë për 4.6 për qind, duke arritur të shesë vetëm 43.666 mjete motorike në mbarë botën.

Në një komunikatë të lëshuar për media, thuhet se mungesa globale e komponentëve dhe shumë faktorë të tjerë kanë vazhduar të ndikojnë në porositë e pakta nga kjo kompani.

Megjithatë, kërkesat nuk është se janë të dobëta, por mungesa e shumë komponentëve si dhe mungesa e energjisë elektrike dhe shpërthimi i COVID-19 kanë ndërprerë prodhimin, thuhet ndër të tjera në komunikatën e Volvo-s.

Volvo Cars gjithashtu ka bërë të ditur se përkohësisht do të mbyllë fabrikën e saj në qytetin kinez Chengdu, për shkak të kufizimeve të shkaktuara si pasojë e COVID-19.