Vjenë: Biletat e vjetra të parkimit do vlejnë deri në qershor

(KEYSTONE/Christian Beutler)

Që në ndërrimin e vitit, Qyteti i Vjenës ka rritur tarifat e parkimit: tarifa e re është 2,60 € për orë. Biletat e blera para 1 janarit 2025 mbeten të vlefshme deri më 30 qershor, pas së cilës nuk do të pranohen më, shkruan “Krone”; përcjell albinfo.ch.

Prandaj, qytetarët që disponojnë ende bileta me tarifat e vjetra duhet t’i shfrytëzojnë para datës 30 qershor, përndryshe do të përballen me një gjobë parkimi prej 36 €.

Sipas Matthias Nagler, eksperti i ÖAMTC-së, nuk ka mundësi shkëmbimi apo rimbursimi të biletave të vjetra. Po ashtu, përdoruesit e shërbimit për parkim me telefon do të tarifohen me çmimet e reja që hyjnë në fuqi, transmeton albinfo.ch.