Viti i ri shkollor në Austri do të fillojë normalisht dhe pa maska

Sipas mediave austriake, është e qartë se Fassman do të donte që viti shkollor të fillonte në shtator dhe pa maska, raporton albinfo.at

Ministri  i Arsimit Heinz Fassmann në mes të muajt gusht do të paraqesë planin e tij të fundit për vitin e ri shkollor.

Sipas mediave austriake, është e qartë se Fassman do të donte që viti shkollor të fillonte në shtator dhe pa maska, raporton albinfo.at

Ndryshe nga dy muajt e fundit të vitit shkollor, në të cilin orët e mësimit u mbajtën me dy ndërrime, nga shtatori e tutje të gjithë fëmijët duhet të ndjekin mësimet në kushte normale.

Në plan është paraparë që të rikthehen sërish orët e mësimit të muzikës dhe sportit.

Kufizimet do të zbatohen vetëm nëse “sistemi i ri i semaforit”, i cili tregon “gjendjen e infeksionit” në vend, ndryshon nga ngjyra e gjelbër në të verdhë, portokall ose të kuqe.

Në këtë rast, gjithçka do të veprohet sipas rekomandimeve të Ministrisë së Shëndetësisë.

Sipas kalendarit të vitit shkollor, shumica e shkollave në Austri mësimin do e fillojnë nga data 7 shtator 2020.

---