Lajme
Virusi që po ‘shkatërron’ kancerin
Nuk është hera e parë që shkencëtarët përdorin një virus për ta luftuar kancerin
Terapia e re, me të cilën po trajtohet një lloj i kancerit, po përdor një virus të zakonshëm për t’i infektuar dhe shkatërruar qelizat e dëmshme. Kjo po jep premtime të mëdha në provat e hershme njerëzore, thonë shkencëtarët në Mbretërinë e Bashkuar, përcjell Albinfo.ch.
Kanceri i një pacienti u zhduk, ndërsa të tjerë ishin dëshmitarë që tumoret e tyre të zvogëloheshin.
Ilaçi është një formë e dobësuar e virusit të ftohjes – herpes simplex – që është modifikuar për t’i vrarë tumoret.
Do të nevojiten studime më të mëdha dhe më të gjata, por ekspertët thonë se injeksioni në fund mund të ofrojë një shpëtim për më shumë njerëz me kancer të avancuar.
Krzysztof Wojkowski, një punëtor ndërtimtarie 39-vjeçar nga Londra perëndimore, është një nga pacientët që mori pjesë në provën e vazhdueshme të sigurisë në fazën e parë, të drejtuar nga Instituti i Kërkimit të Kancerit në Fondacionin Royal Marsden NHS Trust.
Ai u diagnostikua në vitin 2017 me kancer të gjëndrave të pështymës, pranë gojës. Pavarësisht operacionit dhe trajtimeve të tjera në atë kohë, kanceri i tij vazhdoi të rritet.
“Më thanë se nuk kishte alternativa për mua dhe po trajtohesha me terapinë e fundit të jetës. Ishte shkatërruese, kështu që ishte e pabesueshme të më jepej shansi që të bëhesha pjesë e kësaj prove”.
Një kurs i shkurtër i terapisë së virusit – i cili është një version i modifikuar posaçërisht i virusit herpes, i cili normalisht shkakton plagë të ftohta – duket se e ka pastruar kancerin e tij.
“Kam bërë injeksione çdo dy javë për pesë javë, të cilat ma zhdukën plotësisht kancerin. Unë jam qenë pa kancer për dy vjet tani”.
Injeksionet, të dhëna direkt në tumor, e sulmojnë kancerin në dy mënyra – duke i pushtuar qelizat kancerogjene dhe duke i bërë ato të shpërthejnë, dhe duke e aktivizuar sistemin imunitar.
Rreth 40 pacientë e kanë provuar trajtimin si pjesë e provës. Disave iu dha injeksioni i virusit, i quajtur RP2. Të tjerë gjithashtu morën një ilaç tjetër kundër kancerit – të quajtur nivolumab – gjithashtu.
Studiuesi kryesor, Prof Kevin Harrington, i tha BBC-së se rezultatet e trajtimit të parë ishin “vërtet mbresëlënëse” në një sërë kanceresh të avancuara, duke përfshirë kancerin e zorrës së trashë (ezofagit) dhe një lloji të rrallë të kancerit të syrit.
Nuk është hera e parë që shkencëtarët përdorin një virus për ta luftuar kancerin. Shërbimi Kombëtar Shendëtësor miratoi një terapi të bazuar në virusin e ftohtë, të quajtur T-Vec, për kancerin e avancuar të lëkurës disa vjet më parë.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl