Kosova

Vetura ‘BMW’ me targa të Kosovës nxirret nga lumi

E diel, 18 Qershor 2023 - 20:21 albinfo.ch

Ekipet e shpëtimit kanë arritur ta nxjerrin në sipërfaqe veturën që ndodhej brenda lumit Lepenc. Ajo që tashmë është konfirmuar edhe nga gazetari i Klan Macedonia nga vendngjarja, vetura është e familjes nga Kosova dhe brenda saj ka trupa njerëzish.

Momentalisht, dy trupa janë të dukshëm nga distanca, ndërsa për trupin e tretë nuk ka konfirmim.

Në veturën e tipit BMW, e cila u aksidentua të shtunën rreth orës 15:20 në rrugën Shkup –VK Bllacë, ndodheshin katër persona, ku fatmirësisht njëri nga ta ka arritur të shpëtojë dhe aktualisht është duke u trajtuar në spitalin “8 shtatori” në Shkup.

Nga Ministria e Punëve të Brendshme e Maqedonisë së Veriut njoftuan se në aksident ishin përfshirë vetura ‘Volkswagen Turan’ me targa të Shkupit, i drejtuar nga B.B. (64) nga Shkupi dhe një veturë të udhëtarëve ‘BMW’ me targa të Kosovës, e drejtuar nga N.P. (60) nga Kosova, e cila pas aksidentit ka rënë në lumin Lepenc.

Kërkimet për gjetjen e tre pasagjerëve të veturës BMW kanë nisur pasditen e së shtunës, ku përveç ekipeve të shpëtimit të Maqedonisë së Veriut, kërkimet janë duke i ndihmuar edhe pjesëtarët e FSK-së dhe disa vullnetarë.

 Të tjera nga Kosova

Identifikohet Idriz Rrecaj, njëri nga 23 viktimat, pjesë e Grupit të Intelektualëve

 E-Diaspora

 Jeta në Austri