Vdes Donna Summer

Duke filluar nga vitet e hershme të shtatëdhjeta, ajo ka shkruar historinë e disko muzikës

Ka ndërruar jetë në moshën 63 vjeçare Donna Summer e njohur si pop divë e viteve 70-80, e kurorëzuar si “mbretëresha e diskos”. Summer ka vdekur nga kanceri, ka njoftuar familja e saj .

Duke filluar nga vitet e hershme të shtatëdhjeta, ajo ka shkruar historinë e disko muzikës me hitet i “Last dance”, “Hot Stuff”, “Love to Love You Baby” etj.

Muzika e Donna Summer është një mikst i zhanreve të ndryshme muzikore. Pikërisht kjo përzierje ka ndihmuar atë që të fitojë disa çmime “Grammy” në kategori të ndryshme si dance, rock dhe R&B.

Në vitin 2008, pas një pauze të gjatë rreth 18 vjeçare, Donna Summer qe ngjitur sërish në skenën e muzikës, me albumin e fundit “Crayons”. Në po atë vit ajo ka marrë pjesë në jurinë e spektaklit të njohur “American Idol”.