Vdes babai dhe dy vajzat e tij

Një dramë familjare ka shokuar qytetarët e St.Galenit. Babai kishte rrëmbyer dy vajzat e tij, për të cilat dyshohet t’i ketë vrarë duke i djegur. Ai vdiq më vonë në spital.

Policia ka gjetur dy kufoma të vajzave në një veturë të djegur në Simmenbödeli në Grabs të SG. Policia e kantonit St. Gallen, sipas një njoftimi, thotë se bëhet fjalë për dy vajza, 2 dhe 5 vjeç.

Nëna e dy vajzave kishte alarmuar të dielën pasdite policinë se burri i saj zviceran, 44-vjeçar, me të cilin jetonte i ndarë, kishte ikur pa leje me dy vajzat e përbashkëta. Policia e St. Gallenit kishte nisur menjëherë një kërkim pas veturës së zviceranit.

Pak më vonë kishte pranuar informacionin për një automjet të djegur në zonën Simmenbödeli. Policia gjeti dy kufomat e fëmijëve të djegura.

Babai u gjet disa qindra metra larg nga vendi i ngjarjes me lëndime të rënda të djegies. Ai u dërgua në spital, por vdiq nga plagët në mbrëmje.

Sesi dy vajzat u mbytën nuk ishte e njohur për policinë. Policia, megjithatë supozon se babai kishte vrarë fëmijët, por edhe aksidenti nuk mund të përjashtohet.

“Ne supozojmë se i ndjeri ka djegur makinën”, tha zëdhënësi i policisë, Hanspeter Krüsi.

Rrethanat e sakta për ngjarjen do të sqarohet nga policia e kantonit St. Gallen dhe Instituti i Mjekësisë Ligjore.

Babai ishte i njohur për policinë, por jo për shkak të dhunës në familje, por për një padi që ishte ngritur kundër tij