Vazhdojnë kërkimet për gjetjen e aktores shqiptare Adea Shabani  

Në LA kanë nisur të shpërndahen fletushka të gruas së zhdukur, për të cilën thuhet se u pa për herë të fundit në bllokun 1700 të Wilcox Avenue në Hollywood

Aktorja shqiptare Adea Shabani po dyshohet se është zhdukur në mënyrë misterioze në Los Anxhelos. Paasi që ajo nuk është dëgjuar që nga e premtja e kaluar, familja dhe miqtë e saj thonë se kjo është shumë e pazakontë për 25-vjeçaren.

Dailymail  shkruan se miqtë e aktores kanë thënë se ajo u largua nga shtëpia e saj dhe pritej të kthehej shumë shpejt.

Teksti i fundit i saj në rrjetet sociale ishte një foto me qirinj pa asnjë shpjegim tjetër apo për vendndodhjen.

Në LA kanë nisur të shpërndahen fletushka të gruas së zhdukur, për të cilën thuhet se u pa për herë të fundit në bllokun 1700 të Wilcox Avenue në Hollywood.

Shabani është nga Maqedonia ndërsa para dy viteve shkoi në Los Anxhelos për të studiuar aktrimin.