Vala e të nxehtit kaplon Shqipërinë dhe Kosovën, temperaturat deri në 39 gradë

Sheshi Prishtine - Photo - Bleron Llugiqi

Moti sot do të jetë me diell dhe shumë i nxehtë me vranësira të vogla lokale. Do të fryjë erë e dobët deri mesatare, ndërsa në disa vende e përforcuar nga drejtimi jugperëndimor, njofton Drejtoria për Punë Hidrometeorologjike (DPHM), përcjell albinfo.ch.

Temperatura minimale do të jetë në intervalin prej 13 deri në 20, ndërsa ajo maksimale do të arrijë prej 30 deri në 39 gradë. Indeksi UV do të arrijë 8.

Në Shqipëri, temperaturat e ajrit do të pësojnë një rënie të lehtë në të dy vlerat ekstremale ditore duke u luhatur nga 11°C vlera minimale deri në 35-39°C maksimalja në rang territori. Era do të fryjë mesatare deri e fortë; përgjatë gjithë ditës duke arritur shpejtësinë 45 km/h nga drejtimi jugor për pasojë në brigjet e Adriatikut dhe Jonit do të gjenerohet dallgëzim deri në 4 ballë.