Ushtria zvicerane shqyrton mundësinë e rekrutimit të më shumë grave

Nuk është vetëm tregu i punës i Zvicrës që vuan nga mungesa e personelit – edhe ushtria e vendit vuan: në fund të dekadës do të mungojnë rreth 30,000 ushtarë, përcjell albinfo.ch.

Një nga zgjidhjet që po diskutohet për të luftuar mungesën është shtrirja e detyrimit për të shërbyer për gratë, të cilat tani mund të bashkohen vullnetarisht, por nuk janë subjekt i rekrutimit.

Planet konkrete duhet të jenë të disponueshme deri në vitin 2024.

Ndërkohë, ministrja e Mbrojtjes, Viola Amherd, kërkon t’u imponojë grave një ditë orientimi të detyrueshëm ushtarak, ashtu si për burrat.

Mungesa ekzistojnë edhe në një sektor tjetër shërbimi: mbrojtjen civile, të cilën disa kantone duan ta hapin për të huajt.

 

---