UNICEF, thirrje vendeve të pasura të dhurojnë vaksina

UNICEF: Vendet e pasura mund t'i ndihmojnë vendet e varfra me vaksina

Shumë vende të pasura zotërojnë numër të madh të vaksinave anti Covid. Nga ana tjetër, vendet e varfra janë duke u përballur me virusin korona dhe mungesa të vaksinimit. Lidhur me këtë Agjencia për Fëmijë e Kombeve të Bashkuara UNICEF ka kërkuar nga grupi i shtatë vendeve më të industrializuara të botës, i njohur si G7, dhe Bashkimi Evropian që të dhurojnë vaksina për vendet e varfra, përcjell albinfo.ch.

Duke qenë se UNICEF është e ngarkuar me furnizimin e vendeve të varfra me vaksinave kundër koronavirusit përmes programit COVAX, që sa kohë drejton bashkërisht me Organizatën Botërore e Shëndetësisë (OBSH) dhe Aleanca Globale për Vaksinat dhe Imunizimin (GAVI) lidhur me vaksinat.

Drejtoresha ekzekutive e UNICEF-it, Henrietta Fore, tha se dhurimi i dozave të tepërta “është një masë thelbësore dhe emergjente, e cila është e nevojshme tani”, shkruan REL.

Gjatë prononcimit, Fore tha se G7 dhe vendet e BE-së mund të dhurojnë rreth 153 milionë doza nëse ndajnë vetëm 20 për qind të furnizimit të tyre që e kanë në dispozion gjatë muajit qershor, korrik dhe gusht.

Po ashtu, Fore tha se një donacion i tillë mund të ndihmojë për të parandaluar vendet e pambrojtura të bëhen zona tjetër e nxehtë globale e shpërthimit të virusit.

 

---