Ulet çmimi i naftës pas sulmit të SHBA-së në Venezuelë

Keystone

Pas sulmit të SHBA-së në Venezuelë, ku u arrestua presidenti Nicolas Maduro me bashkëshorten e tij, çmimi i naftës ka shënuar rënie.

Tregjet treguan rënie të çmimeve të naftës, çmimi i Brent crude ra rreth 60.15 dollarë për fuçi, ndërsa WTI ishte nën presion në tregjet globale, shkruan TheGuardian, transmeton albinfo.ch.

Presidenti amerikan Donald Trump ka vënë rezervat e mëdha të naftës venezueliane në qendër të strategjisë së tij për ndryshimin e regjimit, duke sugjeruar se kompanitë amerikane të naftës mund të shpenzojnë miliarda dollarë për rindërtimin e infrastrukturës energjetike të vendit.

Megjithatë, analistët vërejnë se rënia e çmimeve nuk është vetëm për shkak të ngjarjes ushtarake, por edhe për faktin që Venezuela aktualisht prodhon relativisht pak naftë në masë globale (shumë më pak se më parë për shkak të viteve të mospërmirësimit, sanksioneve dhe uljes së prodhimit), dhe tregjet globale janë ende të mbingopura me furnizim.