Lajme
U mbajt takimi i Rrjetit të Bizneseve të Diasporës Shqiptare në Zvicër
Ishte impresionuese pjesëmarrja e një numri të madh afaristësh të suksesshëm shqiptarë nga regjione të ndryshme të Zvicrës
Të premten, më 03 qershor 2022, në Dietikon (ZH) u mbajt takimi i Rrjetit të Bizneseve të Diasporës Shqiptare në Zvicër (RRBDSHZ) me afariste dhe afaristë shqiptarë. Ishte impresionuese pjesëmarrja e një numri të madh afaristësh të suksesshëm shqiptarë nga regjione të ndryshme të Zvicrës.
Kryetarja e RRBDSHZ-së, zonja Merita Pinta, afariste e suksesshme në fushën e përkujdesjes ndaj të moshuarve, pasi ka përshëndetur të pranishmit, e prezantoi rrjetin dhe paraqiti një raport të shkurtër të aktiviteteve.
Pikë atraktive e mbrëmjes ishte gjithsesi prezantimi i një storje suksesi, ku para të pranishmëve u paraqit Presidenti i Bordit të RRBDSHZ-së, njëherësh Kryetar Nderi, Fehmi Fetahi, afarist i suksesshëm në Zvicër dhe në Kosovë, shkruan albinfo.ch. Z. Fetahi, pronar i Fetaxid AG në Zvicër dhe i Vali Ranch Resort & Congres Center në Gjilan, rrëfeu historinë e tij të suksesit, por edhe gabimet gjatë rrugëtimit të tij plot sfida.
Veçanërisht përfshirjen e tij për një kohë të shkurtër në politikën kosovare ai e cilësoi si „dështim dhe shkollë që i ka kushtuar shtrenjtë“ dhe apeloi të mos përsëritet nga afaristët e rinj.
Në vazhdim z. Fetahi u përgjegj në pyetje të shumta të afaristëve.
Nënkryetari i RRBDSHZ-së, z. Rexhep Berisha, importuesi kryesor i prodhimeve ushqimore në Zvicër, nga trevat shqiptare, pasi prezantoi shkurt biznesin e tij, apeloi tek të pranishmit që të anëtarësohen në RRBDSHZ dhe të kontribuojnë në arritjen e objektivave të rrjetit.
Në vazhdim u prezantuan shkurt anëtarët e Kryesisë së rrjetit: Zonja Teuta Kerhani-Rifati, afariste, z. Anton Nikolla, afarist, z. Afrim Veliu, arkitekt, z. Kujtim Krasniqi, afarist, zonja Lirije Veselaj, afariste dhe z. Ylli Doko, afarist, si dhe dy këshilltarët e rrjetit, z. Sevdail Tahiri, Drejtor i platformës Albinfo.ch onlin&print, këshilltar për media, dhe z. Nazmi Jakurti, Jurist Mediator, këshilltar juridik.
Në takim ishte edhe një mysafir që kishte ardhur enkas nga Shqipëria. Fjala është për z. Ejup Ahmeti, pronar i njërës nga ndërmarrjet më të mëdha në Ballkan për eksportimin e frutave, Doni Fruits, me seli në Ferizaj dhe në Lushnje, shkruan albinfo.ch. Z. Ejup Ahmeti i përgëzoi afaristët shqiptarë në Zvicër për punën e suksesshme dhe propozoi bashkëpunim më të ngushtë me rrjetin e afaristëve të Shqipërisë.
Në vazhdim, me nga një fjalë rasti u paraqitën edhe dy shkencëtarë të suksesshëm, Prof. Dr. Adhurim Haxhimusaj dhe Drejtori i departamentit të taksave në Syngenta AG, z. Avni Dika, si dhe disa afaristë të suksesshëm në fusha të ndryshme të ekonomisë zvicerane.
Lexoni po ashtu:
Ambasadorët e tri shteteve i premtojnë mbështetje Rrjetit të Bizneseve Shqiptare në Zvicër
Afaristët Shqiptarë të Zvicrës kërkojnë më shumë mbështetje nga Kosova
Merita Pinta zgjidhet kryetare e Rrjetit të Bizneseve Shqiptare në Zvicër
Të ngjashme
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë