Turqia ndryshon zyrtarisht emrin

Turqia tani e tutje do të njihet si Türkiye në Kombet e Bashkuara, pasi kjo e fundit pranoi një kërkesë zyrtare nga Ankaraja, raporton BBC.

Disa organeve ndërkombëtare do t’u kërkohet të bëjnë ndryshimin e emrit si pjesë e një fushate riemërtimi të nisur nga presidenti turk në fund të vitit të kaluar.

“Türkiye është përfaqësimi dhe shprehja më e mirë e kulturës, qytetërimit dhe vlerave të popullit turk”, tha Rexhep Tajip Erdogan në dhjetor.

OKB tha se e bëri ndryshimin sapo mori kërkesën këtë javë.

Shumica e turqve tashmë e njohin vendin e tyre si Türkiye. Megjithatë, emri i Turqisë në anglisht përdoret gjerësisht, edhe brenda vendit.

Lëvizja e riemërtimit pasoi një dekret të lëshuar në dhjetor nga presidenti Recep Tayyip Erdogan për të ndryshuar emrin në Türkiye në anglisht, frëngjisht dhe gjermanisht, midis gjuhëve të tjera, duke përfshirë etiketimin e produkteve të eksportit.

Televizioni shtetëror TRT citoi në dhjetor një artikull mbi konotacionin “të papëlqyeshëm” të emrit Turqi në anglisht, duke thënë se ai ose i referohet “një zogu të madh vendas në Amerikën e Veriut” ose “kur diçka nuk shkon”.