Lajme
Turqia frenon vrullin e Suedisë dhe Finlandës në NATO: Nuk mund t’i pranojmë
Suedia dhe Finlanda dorëzuan zyrtarisht aplikimet për të hyrë në NATO, por brenda pak orësh Turqia bllokoi lëvizjen për përshpejtimin e kërkesës së dy vendeve nordike.
Ankaraja akuzon Suedinë dhe Finlandën se strehojnë anëtarë të grupeve militante kurdë që i konsideron terroriste.
Më herët, vetë presidenti Recep Tayyip Erdogan shprehu shqetësimin para deputetëve të tij.
“Zgjerimi i NATO-s është domethënës për ne, për sa kohë kandidatët respektojnë shqetësimet tona. Është e papajtueshme që nga njëra anë t’u japësh mbështetje organizatave terroriste dhe pastaj të kërkosh mbështetjen tonë për në NATO”, tha presidenti turk.
Në NATO, ministri i Jashtëm turk ia shprehu shqetësimin sekretarit amerikan të Shtetit.
“Turqia e ka mbështetur politikën e dyerve të hapura të NATO-s edhe para kësaj lufte. Por sa u takon kandidatëve të rinj, ju e dini që edhe ne kemi shqetësimet tona legjitime për sigurinë, pasi ato kanë mbështetur organizata terroriste”, u shpreh Mevlüt Çavuşoğlu, ministër i Jashtëm i Turqisë.
Nga ana e tij, kryediplomati i Uashingtonit zgjodhi të riafirmonte rëndësinë e Turqisë si aleate në NATO.
“Turqia, sikurse të gjithë aleatët tanë, ka qenë e vendosur në mbështetjen e Ukrainës. Ne duam që kjo luftë të përfundojë. I jam mirënjohës Turqisë për solidaritetin që ka treguar në këtë drejtim”, tha Antony Blinken, sekretari amerikan i Shtetit.
Blinken është ngarkuar me detyrën për ta bindur Turqinë. Zgjerimi i NATO-s duhet të aprovohet nga 30 vendet anëtare, proces që mund të zgjasë një vit. Deri atëherë, Suedia dhe Finlanda, në kufi me Rusinë, do të vazhdojnë të ndihen të cenuara./Euronews
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl