Turqi: Autobusi aksidentohet me një kamion dhe dy makina, 10 të vdekur dhe 39 të plagosur

Foto X: @Mister_Nikita_X

Të paktën 10 persona kanë vdekur dhe 39 të tjerë janë lënduar si pasojë e një aksidenti, ku një autobus është përplasur me një kamion dhe dy makina.

Lajmi është konfirmuar nga ministri i Punëve të Brendshme të Turqisë, Ali Yerlikaya, i cili përmes një postimi në rrjetin social “X”, ka shkruar se autobusi, i cili po udhëtonte nga Dijarbakır për në Stamboll, u përplas me një kamion dhe dy automjete të tjera në rajonin Tarsus pranë qytetit mesdhetar të Mersinit, transmeton albinfo.ch.

Sipas raportimeve nga mediat turke, autoritetet atje kanë njoftuar se nuk dihen ende shkaqet e sakta të aksidentit teksa hetimet kanë filluar.