Lajme
Trump dhe Gjermania në “luftë” për vaksinën e koronavirusit
Është bërë e ditur se një firmë gjermane në Tübingen parashikon të nxjerrë në qershor apo korrik teste për vaksinën kundër virusit Corona. Donald Trump do ta blejë atë vetëm për SHBA, qeveria gjermane kundërshton.
Informacionet e fundit tregojnë se presidenti i SHBA, Donald Trump po i ofron shuma të mëdha parash shkencëtarëve gjermanë që po punojnë për një vaksinë kundër virusit Corona. Ai dëshiron të ketë të drejta të drejta ekskluzive për punën e tyre, raporton gazeta gjermane Welt am Sonntag.
Një burim qeveritar gjerman i tha gazetës se Trumpi po bën gjithçka që ka në dorë për ta siguruar vksinën “vetëm për SHBA”.
Por një zëdhënës i ministrisë së Shëndetësisë në Gjermani i tha gazetës Die Welt se qeveria gjermane mendon ndryshe. “Qeveria gjermane është shumë e interesuar që zhvillimi i vaksinave dhe trajtimeve kundër virusit të ri Corona të bëhet në Gjermani dhe në Evropë”. Edhe qeveria gjermane po i ofron firmës përparësi financiare, shkruan DW.
Firma CureVac, e vendosur në jug të Gjermanië po bën kërkime për disa vaksina të mundshme, dhe dy prototipe do të zgjidhen për test. Bashkëthemeluesi i CureVac dhe shefi i sektorit të prodhimit Florian von der Mülbe i tha Reutersit se kompania shpreson ta ketë një vaksinë eksperimentale në qershor ose korrik. Pas kësaj do të merret aprovimi për ta testuar atë tek njerëzit.
Dy javë më parë, shefi i atëhershëm i bordit i CureVac, Daniel Menichella u takua në Shtëpinë e Bardhë me Trumpin dhe me stafin e tij. Nëntë ditë pas takimit, më 11 mars, firma CureTec e largoi Menichellan nga posti dhe e zëvendësoi me themeluesin e kompanisë Ingmar Hoerr.
18:00 Ndërkohë, firma e Tybingenit deklaroi se pranimi i ofertës ekskluzive të Trumpit është jashtë çdo diskutimi për të. “Ne duam të zhvillojmë një vaksinë për të gjithë botën dhe jo për shtete të veçanta”, i tha gazetës Mannheimer Morgen drejtori ekzekutiv dhe bashkëthemeluesi i investuesit kryesor dievini Hopp BioTech Holding, Christof Hettich. /Albinfo.ch.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë