Tregu zviceran i punës sfidon krizën

Një total prej 4.166 milionë njerëz kishin një vend pune në tremujorin e dytë në Zvicër

Në tremujorin e dytë të vitit 2013 punësimi në Zvicër u rrit për 1.7 për qind krahasuar me tremujorin e njëjtë të vitit të kaluar. Një total prej 4.166 milionë njerëz kishin një vend pune në tremujorin e dytë.

Ndërsa industria  zvicerane tregoi një rënie të lehtë prej 0.4 për qind. Këto të dhëna janë bërë publike nga Zyra Federale e Statistikave (FSO ).

Në vendet e punës me orar të plotë vëllimi i punësimit arriti në 3.516 milionë të punësuar, apo 1.4 për qind më shumë se një vit më parë.
Ndërsa sa i përket punësimit sezonal, krahasuar me tremujorin e mëparshëm statistikat flasin për rritje prej 0.3 për qind. Do të thotë, vetëm një rritje e vogël nga punësimi i përgjithshëm.

Në sektorin komercial dhe industrial për vitin e dytë me radhë është regjistruar një rënie e të punësuarve.

Gjithashtu është shënuar rënie në industrinë hoteliere. Kjo industri ka humbur 2.2 për qind në vit të vendeve të punës.
Industria e financave dhe sigurimeve për herë të parë pas pesë vjetëve ka shënuar një rënie të lehtë në punësim.

Në krahasim me vitet e kaluara punësimi është rritur në të gjitha rajonet e mëdha zvicerane.
Më shumë rritje kishte regjistruar Zvicra qendrore, me 2.6 për qind. Në sektorin e mesëm, vetëm rajoni i Gjenevës kishte raportuar rritje në punësim për 1.2 për qind dhe Cyrihu 0.8 për qind.

Nga ana tjetër, numri i vendeve të lira të punës është rritur për 5.4 për qind krahasuar me tremujorin e dytë të vitit 2012.

Siç raporton Zyra Federale e Statistikave (FSO), kompanitë nuk kanë shprehur interesim për të rritur personelin në tremujorin e ardhshëm.  Shumica e kompanive planifikojnë  të mbajnë ose të zgjerojnë stafin e tyre të njëjtë.

70.2 për qind e kompanive të anketuara zvicerane kanë deklaruar se numri i punëtorëve do të mbetet i njëjtë gjatë tremujorit të tretë të vitit 2013, vetëm 10.7 për qind presin që të rrisin numrin e tyre. Ndërsa  5.3 për qind e kompanive paralajmërojnë reduktim të numrit të të punësuarve.