Lajme
Tregtia Shqipëri-Kosovë, potencial i pashfrytëzuar
Shkëmbimet tregtare midis Shqipërisë dhe Kosovës pësuan rënie gjatë vitit të kaluar për shkak të pandemisë.
Teksa importet e mallrave që vijnë në drejtim të Shqipërisë u rritën në 8,3 miliardë lekë, nga 7,7 miliardë në 2019-ën, ishin eksportet shqiptare ato që ranë në 26,2 miliardë lekë, mbi 3,5 miliardë lekë më pak, shkruan A2 news.com, transmeton Albinfo.ch.
Edhe pse në letër Kosova mbetet partneri i dytë kryesor i vendit, sipas ekspertit për ekonominë Ilir Ciko, tregtia mes dy vendeve lë shumë për të dëshiruar në raport me potencialin e madh që ofron.
“Për fat të keq, struktura e eksporteve drejt Kosovës mbetet jashtëzakonisht e varfër”, thotë Ciko.
“Rreth 60% e eksporteve të Shqipërisë drejt Kosovës përbëhen nga elemente bazë, si mineralet, materialet e ndërtimit, produktet e naftës dhe shumë pak, për të mos thënë aspak kënaqshëm, jo vetëm krahasuar me atë që eksportojmë drejt vendeve të tjera të rajonit apo botës, por për atë që ne do të donim të kishim si shkëmbime tregtare reale mes Shqipërisë dhe Kosovës”.
Sipas Cikos, kjo strukturë shkëmbimesh nuk pritet të përmirësohet dukshëm as përgjatë këtij viti. Përtej mbledhjeve të përbashkëta të dy qeverive që kanë prodhuar pak, ai rekomandon së pari rritjen e konkurrencës së ndershme në tregjet e të dy vendeve.
“Nëse sot mund të jepet një këshillë për të parë në mënyrë afatgjatë sesi mundet që Shqipëria dhe Kosova të thellojnë bashkëpunimin, do thosha që kjo nuk mund të vijë më përmes tryezave pa fund të qeverive apo delegacioneve, por në radhë të parë duke hapur tregun e brendshëm, duke bërë të mundur që të kemi konkurrencë të lirë dhe nxitje të zhvillimit të biznesit dhe investime3ve të huaja”, thotë Ciko.
Eksperti sheh me shqetësimin edhe një ftohje të marrëdhënieve politike Shqipëri-Kosovë, diçka që ndikon negativisht edhe në klimën e bashkëpunimit ekonomik.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl