Ticino: Christian Vitta synon t’ia zë vendin Didier Burkhalter

Këshilltari i Ticino-së, Christian Vitta është duke treguar interesim për vendin e punës së Didier Burkhalter. Por, FDP/PLR-i ka thëne se nuk do të shkojë kundër seksionit të partisë së tij, nëse ajo mbështet një kandidat të vetëm

(KEYSTONE/Ti-Press/Gabriele Putzu)

Christian Vitta është ministër i financave të Ticino-së  për dy vjet dhe i takon, sipas  tij, “një brezi tjetër të politikanëve”. Me moshë 44 vjeçare, ai është më i ri dhe më i preferuar se kolegu i tij i partisë Ignazio Cassis, 56 vjeçar.

Ky i fundit me siguri se ka kartat më të mira në dorë, në qoftë se Ticino vendos të paraqesë vetëm një emër, vë në dukje Christian Vitta në një intervistë për gazetën Blick, njofton albinfo.ch.

Skenari do ishte krejt ndryshe nëse seksioni i partisë së Ticino-së vendos të paraqes disa kandidatë, thotë Christian Vitta. Ky i fundit është nënkryetar i FDP/PLR-it të  Zvicrës dhe anëtar i Këshillit të Bankës Nacionale SNB që  nga viti 2016. Ai shërbeu nga viti 2001 deri në vitin 2015 në Parlamentin kantonal të  Tiçino-së dhe ka udhëhequrqytetin e Sant’Antonio për pesëmbëdhjetë vjet me radhë. Ai është baba i tre fëmijëve.

Vendimi i partisë kantonale do të merret më 1 gusht

Për arsye strategjike, partia FDP/PLR e Ticino-së ka vendosur të paraqesë vetëm një kërkesë për suksesion të Didier Burkhalter.

Palët e interesuara kanë deri më 10 korrik për të njoftuar për interesin e tyre dhe do të vendosin më 1 gusht. Ndërsa seksionet kantonale të FDP/PLR-it ​​kanë kohë deri më 11 gusht për të paraqitur një kandidat. Një komitet përzgjedhës do të shqyrtojë propozimet, por është grupi parlamentar i cili do të zgjedhë më 1 shtator biletën  zyrtare të partisë. Asambleja Federale do ta ketë  fjalën e fundit më 20 shtator.