Të zënët peng do ta paguajnë vetë lirimin e tyre!

Ata duhet të mbulojnë vetë shpenzimet në rast se rrëmbimi është bërë kur kanë injoruar paralajmërimet e Ministrisë së Punëve të Jashtme të Zvicrës (EDA)

Zviceranët që kidnapohen ose që mbahen peng për qëllime politike nga organizata terroriste, ndihmohen nga shteti zviceran për t`u çliruar nga pengmarrja.

Por së shpejti ata duhet të mbulojnë vetë shpenzimet në rast se rrëmbimi është bërë nga pakujdesia ose në rastet kur kanë qëndruar në vende të pasigurta duke injoruar paralajmërimet e Ministrisë së Punëve të Jashtme të Zvicrës (EDA).

Ndërkaq ata që nuk janë treguar të pakujdesshëm por megjithatë janë rrëmbyer ose që kanë qenë punonjës të ndonjë organizate ndërkombëtare duhet të bartin vetëm shpenzimet që i atribuohen atij personalisht. Këtu bëjnë pjesë për shembull shpenzimet e transportit.

Nga ana tjetër nuk do të detyrohet të paguajë asgjë nëpunësi i shtetit ose familjari i tij i cili është rrëmbyer ose marrë peng gjatë ushtrimit të detyrës së tij.

Shërbimet e EDA-s kushtojnë 75 franga për çdo gjysme ore. Ndërsa jashtë orarit të punës së zyrave takjsa mund të jetë edhe më e lartë.

Rregullorja e rishikuar tarifore hyn në fuqi nga 1 nëntori.