Takimi më i madh i infermierëve shqiptarë në Zvicër mbahet më 12 shtator në Cyrih

Infermierë shqiptarë nga e gjithë Zvicra pritet të bëhen bashkë më 12 shtator 2026 në Cyrih, në atë që organizatorët e paralajmërojnë si takimin më të madh të profesionistëve shqiptarë të infermierisë në Zvicër. Ngjarja organizohet nga Lidhja e Infermierëve Shqiptarë në Zvicër (LISZ).

Një nga organizimet më të mëdha të profesionistëve shqiptarë të shëndetësisë në Zvicër do të mbahet më 12 shtator 2026, në Wallisellen, afër Cyrihut.

Lidhja e Infermierëve Shqiptarë në Zvicër (LISZ) po organizon një takim të madh, i cili synon të sjellë së bashku infermierë shqiptarë që punojnë në institucione të ndryshme shëndetësore në Zvicër.

Ngjarja do të fillojë në ora 17:00 në Restaurant Andulino, Wallisellen, dhe pritet të shndërrohet në një pikëtakim të rëndësishëm për profesionistët shqiptarë të kësaj fushe.

Qëllimi kryesor është forcimi i rrjetit të infermierëve shqiptarë në Zvicër, krijimi i kontakteve të reja profesionale, shkëmbimi i përvojave dhe ndërtimi i një platforme të qëndrueshme bashkëpunimi.

Organizatorët synojnë gjithashtu që ky rrjet profesional të kontribuojë në zhvillimin dhe mbështetjen e profesionistëve shqiptarë, por edhe të komunitetit shqiptar në çështjet që lidhen me shëndetësinë.

Presidentja e LISZ-së, Yllka Zuzaku-Mustafa, ka ftuar profesionistët shqiptarë të infermierisë dhe mbështetësit e organizatës që të bëhen pjesë e këtij takimi.

“Prania juaj do t’i japë një vlerë të veçantë këtij takimi dhe njëkohësisht do të jetë një mbështetje dhe motivim i çmuar për profesionistët e infermierisë që do të marrin pjesë në këtë organizim”, thuhet në ftesën e LISZ-së.

Platforma mediale albinfo.ch është partner zyrtar medial i këtij aktiviteti.

Pjesëmarrja duhet të konfirmohet deri më 7 shtator 2026 në linkun në vijim:

LINKU P!ER REGJISTRIM

Lexoni po ashtu:

Krijohet Lidhja e Infermierëve Shqiptarë në Zvicër

 

---