SWISS, linja ajrore e parë në botë që përdor karburantin diellor

(KEYSTONE/Salvatore Di Nolfi)

Linja ajrore kombëtare ka lidhur një marrëveshje me kompaninë Synhelion, një spinoff i Institutit Politeknik të Cyrihut (ETH) për të përdorur karburantin e saj diellor të aviacionit duke filluar nga viti 2023.

Kjo do ta bëjë SWISS kompaninë e parë ajrore në botë që përdor vajgurin neutral ndaj karbonit, të prodhuar nga rrezet e përqendruara të diellit, shkruajnë mediat zvicerane, përcjell albinfo.ch.

“Me këtë bashkëpunim, SËISS dhe Synhelion janë duke luajtur një rol pionier në prodhimin dhe adoptimin e karburanteve të qëndrueshme të aviacionit”, tha linja ajrore në një njoftim për shtyp.