SVP në Cyrih siguron nënshkrimet për iniciativën e re mbi strehimin

Banesat në Cyrih, SVP kërkon përparësi për zviceranët

Dega e Cyrihut e Partisë Popullore Zvicerane (SVP) ka arritur të mbledhë numrin e nevojshëm të nënshkrimeve për ta çuar në votim iniciativën popullore me titull “E drejta për atdhe – Banesa për popullin tonë”, përcjell albinfo.ch.

Kjo nismë është e lidhur ngushtë me iniciativën tjetër të partisë, “Jo për 10 milionë”, e cila synon të kufizojë numrin e të huajve që lejohen të vendosen në Zvicër pasi popullsia e vendit të arrijë shifrën prej 10 milionë banorësh.

Sipas iniciativës së re, sapo të arrihet ky prag i popullsisë, pronarët e banesave do të jenë të detyruar t’u japin përparësi në ndarjen e apartamenteve qytetarëve zviceranë dhe personave që kanë jetuar në Cyrih për të paktën dhjetë vjet. /Albinfo.ch

---