Suedia, zyrtarisht anëtarja e 32-të e NATO-s

Foto FB: Ulf Kristersson

Kryeministri i Suedisë, Ulf Kristersson sot i ka dorëzuar zyrtarisht Departamentit të Shtetit të SHBA-së dokumentet e anëtarësimit, dhe me këtë rast Suedia është bërë anëtarja e 32-të e NATO-s.

“Me marrjen e këtij instrumenti të pranimit, më lejoni të jem i pari që do të mirëpres Suedinë si palë në Traktatin e Uashingtonit dhe anëtarin e 32-të të Organizatës së Traktatit të Atlantikut të Veriut”, ka thënë të enjten sekretari i Shtetit Antony Blinken, transmeton albinfo.ch.

Në bazë të rregulloreve, dokumentet vendosen në një kasafortë në Departamentin e Shtetit, i cili shërben si depozitar i traktatit për NATO-n.