Suedia pranon të gjithë refugjatët nga Siria

Secili që vjen nga vendi i kapluar nga lufta qytetare dhe kërkon azil, do të pranohet” ka thënë një zëdhënëse për migracion

Suedia ka vendosur që të pranojë të gjithë refugjatët nga Siria të cilët do të bëjnë një kërkesë azili ë këtë vend. Refugjatëve do t`u jepet një status njëherë për njëherë i pakufizuar i qëndrimit. 

“Secili që vjen nga vendi i kapluar nga lufta qytetare dhe kërkon azil, do të pranohet” ka thënë për AFP-në një zëdhënëse e autoriteteve përgjegjëse për migracion. “Shteti ka marrë këtë vendim sepse supozon se dhuna në Siri nuk do të ndërpritet në një të ardhme të afërt”, ka shtuar zëdhënësja.

Me këtë vendim Suedia bëhet shteti i parë evropian që merr një hap të tillë radikal. Deri më tash Zvicra ofronte një qëndrim trevjeçar për azilkërkuesit, pasi që rishikonte secilin rast veç e veç. Nga viti 2012 ky vend skandinav ka pranuar 14700 sirianë të ikur nga lufta.