Lajme
Studiuesit gjermanë: Koronavirusi mund të futet në tru përmes hundës
Koronavirusi mund të futet në tru përmes qelizave nervore në hundë, raportuan studiuesit gjermanë të hënën.
Rezultatet e autopsisë të kryer në 33 persona, që humbën jetën si pasojë e sëmundjes, treguan prani të virusit në tru dhe në nazofaring, pjesa e sipërme e fytit, ku lidhet me zgavrën e hundës.
Studiuesit gjetën përqendrime të larta të virusit në indet e shoqëruara me aromat (mukoza e nuhatjes).
Pse ka rëndësi kjo: Gjetjet mund të ndihmojnë në shpjegimin e disa simptomave neurologjike të infeksionit të koronavirusit – veçanërisht humbjen e nuhatjes që përjetojnë kaq shumë njerëz, raportuan studiuesit në revistën Nature Neuroscience, raporton CNN, përcjell Albinfo.ch.
Po ashtu, këto gjetje mund të ndihmojnë në shpjegimin e simptomave të tilla si dhimbje koke, lodhje, të vjella dhe të përziera, sipas Frank Heppner nga Institutit i Shëndetit në Berlin.
Si është bërë studimi: Studiuesit morën mostra nga pacientët dhe përdorën imazherinë për të parë ARN nga virusi. Ata gjetën prova se virusi udhëton përgjatë nervave nga qelizat që mbështjellin fytin dhe sinuset në tru.
“Nivele më të ulëta të ARN-së virale u gjetën në kornea, konjuktiva (sytë) dhe mukozën orale, duke theksuar rrugët orale dhe oftalmike si vende shtesë të mundshme të hyrjes në sistemin nervor qendror të SARS-CoV-2”, shkruan ata.
Nuk është një zbulim tërësisht i ri, studiuesit kanë dyshuar se koronavirusi futet në sistemin nervor qendror në këtë lloj mënyre edhe viruse të tjerë, përfshirë gripin. Studimi gjerman është unik për faktin që u përdor imazheria për të kapur virusin në veprim.
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?