Studim: Vaksinat kundër Covid ulën numrin e vdekjeve globale me 20 milionë në vitin e parë

Sipas analizës së parë të madhe, vaksinat kundër Covid ulën numrin e vdekjeve globale me 20 milionë në vitin e parë pasi ato ishin të disponueshme, transmeton albinfo.ch

Studimi, i cili modeloi përhapjen e sëmundjes në 185 vende dhe territore midis dhjetorit 2020 dhe dhjetorit 2021, zbuloi se pa vaksinat Covid do të kishin vdekur 31.4 milionë njerëz dhe se 19.8 milionë nga këto vdekje ishin shmangur.

Studimi është përpjekja e parë për të matur numrin e vdekjeve të parandaluara drejtpërdrejt dhe tërthorazi si rezultat i vaksinimeve kundër Covid-19.

“Ne e dinim se do të ishte një numër i madh, por nuk mendoja se do të ishte deri në 20 milionë vdekje vetëm gjatë vitit të parë,” tha Oliver Watson, nga Imperial College London, i cili është një autor i parë në studimin e kryer nga shkencëtarët në universitet, transmeton tutje albinfo.ch

---

LAJME INTERESANTE NGA INTERNETI