Lajme

Studim: Të shijosh natyrën mund të zvogëlojë nevojën për disa ilaçe

Shëtitja në një park ose përgjatë një liqeni ose një hapësire me pemë mund të zvogëlojë nevojën për ilaçe për ankthin, astmën, depresionin, presionin e lartë të gjakut ose pagjumësinë, zbuloi një studim i ri, përcjell albinfo.ch

“Aktiviteti fizik mendohet të jetë faktori kryesor ndërmjetësues në përfitimet shëndetësore të hapësirave të gjelbra kur merret parasysh disponueshmëria ose përdorimi aktiv i hapësirës së gjelbër,” tha bashkëautorja e studimit Anu Turunen, një studiuese e lartë në Institutin Finlandez për Shëndetin dhe Mirëqenien në Helsinki.

Studimi zbuloi se vizita në natyrë tre deri në katër herë në javë shoqërohej me 36% shanse më të ulëta për të përdorur pilula për presionin e gjakut, 33% shanse më të ulëta për të përdorur ilaçe për shëndetin mendor dhe 26% shanse më të ulëta për të përdorur ilaçe për astmën.

“Analiza mund të zbulojë lidhjet kryesore, por nuk mund të themi me siguri nëse ishte afërsia apo përdorimi i hapësirës së gjelbër që çoi në uljen e përdorimit të ilaçeve,” tha Lincoln Larson, një profesor i asociuar në Kolegjin e Burimeve Natyrore në shtetin e Karolinës së Veriut.

“Ndoshta njerëzit që ishin më të shëndetshëm në fillim (dhe më pak të prirë të merrnin barna me recetë) kishin më shumë gjasa të dilnin jashtë në radhë të parë,” tha Larson, shkruan “CNN” përcjell tutje albinfo.ch