E-Diaspora
SPD mund ta përjashtojë nga radhët e veta politikanin që kishte fyer kosovarët
Në një intervistë ai, veç tjerash, kishte thënë: "Turqit po e pushtojnë Gjermaninë, ashtu sikur që kosovarët e kanë pushtuar Kosovën: përmes shkallës së lartë të natalitetit”
Tri herë ka bërë përpjekje SPD-ja nga viti 2010 për ta përjashtuar nga radhët e veta politikanin dhe autorin e librave, Thilo Sarrazin. Vetëm tani mund të përjashtohet 74-vjeçari, i cili dikur ka qenë senator (ministër) i financave në Landin e Berlinit, shrkuan b.z.de. dhe të gjitha mediat gjermane.
Në verën e vitit që shkoi gjykata partiake e qarkut Charlottenburg-Wilmersdorf të SPD-së e kishte shpallur kërkesën për përjashtim si “të bazuar”, transmeton albinfo.ch. Por Sarrazin kishte ushtruar të drejtën e apelimit.
Të enjten (sot) Sarrazin ka thënë për gazetën “Bild”: “Tek unë nuk ka ardhur ende asnjë vendim”. Por, nëse do të informohet rreth përjashtimit, ai sërish do të apelojë. Pastaj vjen në radhë komisioni federal i arbitrazhit, ka bërë me dije ai.
Sipas raportimeve të ndryshme, shkak për inicimin e procedurës së përjashtimit ka qenë paraqitja e Sarrazin-it në një mbrëmje debati të zhvilluar në Vjenë në mars të vitit 2019. Aty merrte pjesë edhe ish vicekancelari austriak dhe kryetari i FPÖ-së, Heinz-Kristian Strache, përcjell albinfo.ch. Një rol këtu ka luajtur edhe libri i tij më i ri, “Feindliche Übernahme” (Marrja armiqësore).
Gjykata e arbitrazhit e shoqatës së qarkut Charlottenburg-Wilmersdorf të SPD-së (ku Sarrazin është anëtar), e kishte akuzuar atë për “shprehje antimyslimane dhe raciste”. Në këtë mënyrë ai ka dëmtuar solidaritetin brendapartiak dhe i ka shkaktuar partisë dëme të mëdha.
Në procedurën e parë të partiake të vitit 2010 kundër Sarrazinit, si bazë për akuzë ka shërbyer një deklarim që ai e kishte dhënë në një intervistë për revistën “Lettre International”. Në atë intervistë ai, veç tjerash kishte thënë: Turqit po e pushtojnë Gjermaninë, ashtu sikur që kosovarët e kanë pushtuar Kosovën: përmes shkallës së lartë të natalitetit”.
Procedura e dytë kishte të bënte me konstatimet e tij të bëra në librin „Deutschland schafft sich ab“. (“Gjermania po vetëshkatërrohet”), shkruan albinfo.ch. Në këtë libër, Sarrazin, veç tjerash kishte shkruar se në Gjermani po ulet niveli i inteligjencës së fëmijëve për shkak të numrit të madh të të huajve. Vetë Sarrazin lidhur me akuzën e bërë ka thënë se “nuk ka pasur për qëllim as diskriminimin e të huajve dhe as shkeljen e parimeve socialdemokrate”.
Të ngjashme
Të tjera nga E-Diaspora
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri