Kosova
21 vjet nga gjenocidi ndaj shqiptarëve të Kosovës
Në Zvicër shënohet Dita e Përkujtimit të Gjenocidit ndaj Shqiptarëve të Kosovës
Sot u bënë 21 vjet që kur forcat policore dhe ushtarake serbe kryen njërën nga masakrat më të dhimbshme kundër njerëzimit në Reçak.
Sipas njoftimit në përkujtim të përvjetorit të kësaj masakre, do të bëhen homazhe në Kompleksin Përkujtimor në Reçak, ndërsa nga ora 11:00 do të mbahet akademi përkujtimore në Shtëpinë e Kulturës në Shtime.
Kujtojmë se më 15 janar 1999, në këtë ditë të kobshme, në Reçak u vranë e u masakruan barbarisht 45 shqiptarë të paarmatosur.
Policia dhe ushtria serbe në Kosovë kanë kryer krime të shumta gjatë viteve 1998 dhe 1999, por ‘Masakra e Reçakut’ u dëshmua nga misioni i OSBE-së në Kosovë, saktësisht nga shefi i misionit të OSBE-së në atë kohë, William Walker, që ndikoi në ndërhyrjen e NATO-s ndaj caqeve serbe.
Nga ana tjetër, sot edhe në Zvicër do të shënohet Dita e Përkujtimit të Gjenocidit ndaj Shqiptarëve në Kosovë.
Sipas një njoftimi, qendra “Gjenocidi në Kosovë – Plagë e Hapur” mban tubim kushtuar viktimave të gjenocidit. Ky aktivitet zhvillohet në 21-vjetorin e Masakrës së Reçakut të kryer nga forcat serbe dhe në njëvjetorin e miratimit të rezolutës nga Kuvendi i Kosovës, ku 15 janari shpallet “Dita e Përkujtimit të Gjenocidit ndaj Shqiptarëve në Kosovë”.
Tubimi mbahet në GZ Oerlikon Gubelstarsse 10 në Zurich, nga ora 19:00. /Albinfo.ch.
Të ngjashme
Të tjera nga Kosova
E-Diaspora
-
Rekord i ri i krimeve të motivuara politikisht në Gjermani Vitin e kaluar në Gjermani numri i krimeve të motivuara politikisht të raportuara në polici arriti...
-
Itali: Shqiptari goditi me çekiç bashkëshorten, arrestohet nga policia
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi