Sot hapet Pavijoni i Kosovës në Bienalen e Venecias

Kosova prezantohet në edicionin e 61-të të Bienales me projektin “Hard Teeth” të artistit Brilant Milazimi

Sot, më 6 maj 2026, Republika e Kosovës merr pjesë zyrtarisht në edicionin e 61-të të Ekspozitës Ndërkombëtare të Artit – Bienalja e Venecias, një nga ngjarjet më prestigjioze të artit bashkëkohor në botë, transmeton albinfo.ch.

Me këtë rast, në Venecia do të zhvillohet ceremonia e hapjes së Pavilionit të Kosovës, nga ora 16:00 deri në 18:00, e ndjekur nga një pritje zyrtare në ora 18:00. Aktivitetet mbahen në Chiesa di Santa Maria del Pianto.

Pavijoni i Kosovës këtë vit prezantohet me projektin artistik “Hard Teeth” të artistit Brilant Milazimi, i kuruar nga José Esparza Chong Cuy. Projekti trajton tema që lidhen me identitetin, qëndrueshmërinë dhe transformimin shoqëror.

Kosova, përmes kësaj pjesëmarrjeje, forcon praninë e saj në skenën ndërkombëtare të artit bashkëkohor, duke sjellë një zë autentik kulturor në një nga platformat më të rëndësishme globale të artit.

Më 7 maj, aktivitetet do të vazhdojnë në Quinto di Treviso, ku në ora 19:00 do të mbahet një bisedë e hapur me Ministren e Kulturës dhe Turizmit, Saranda Bogujevci, dhe ekipin e Ministrisë, në Sallën e madhe të Famullisë së Quinto di Treviso./Albinfo.ch 

https://www.facebook.com/share/p/1VACQ2xJxp/

---