Lajme
Sonte në mesnatë Zvicra aktivizon statusin “S” për refugjatët ukrainas
Statusi "S", i cili synon të mundësojë pranimin sa më shpejt dhe në mënyrë joburokratike, do të zbatohet nga e shtuna, 12 mars, ka njoftuar këshilltarja federale Karin Keller-Sutter
Njerëzit nga Ukraina që kërkojnë mbrojtje, pasi janë detyruar të largoheshin nga atdheu i tyre për shkak të luftës, nga mesnata e së premtes, në Zvicër do të marrin statusin e azilit “S”, shkruan albinfo.ch. Kjo do të thotë se ata mund të qëndrojnë në Zvicër për një vit, të punojnë dhe të shkojnë në shkollë pa kaluar nëpër procedurë azili.
Kështu ka vendosur sot Këshilli Federal. Në konsultimet përkatëse është mirëpritur njëzëri vendosja e statusit të mbrojtjes “S”.
Statusi “S”, i cili synon të mundësojë pranimin sa më shpejt dhe në mënyrë joburokratike, do të zbatohet nga e shtuna, 12 mars. Refugjatët nga Ukraina mund të qëndrojnë fillimisht në Zvicër për një vit; megjithatë, e drejta e tyre e qëndrimit mund të zgjatet, nëse është e nevojshme. Ata mund të bashkohen me anëtarët e familjes. Fëmijët dhe të rinjtë kanë qasje në vijimin e shkollës.
Këshilli Federal ka rregulluar ose zgjeruar statusin e mbrojtjes “S “në tri pika:
Puna: Njerëzit që duan të punojnë duhet të jenë në gjendje ta bëjnë këtë: periudha e pritjes prej tre muajsh nuk kërkohet më për refugjatët nga Ukraina, transmeton alkbinfo.ch. Sipas këshilltares federale Karin Keller-Sutter, e cila sot, në një konferencë për media të mbajtur në Bernë ka bërë të njohur vendimin, kjo vlen edhe për të vetëpunësuarit.
Liria për të udhëtuar: Refugjatët nga Ukraina mund të udhëtojnë lirisht në zonën Shengen, nuk kërkohet autorizim, siç ndodh ndryshe për statusin e mbrojtjes “S”.
Personat nga vendet e treta që u desh të largoheshin nga vendi për shkak të luftës gjithashtu marrin statusin e mbrojtjes “S”. Kjo nuk përfshin personat që tashmë kanë statusin e mbrojtjes (azilit) në një vend tjetër.
Siç ka shkruar edhe albinfo.ch ditë më parë, statusi “S” ishte krijuar në kohën e krizës së refugjatëve nga Kosova, në vitin 1999 por ai nuk ishte zbatuar në praktikë pasi refugjatët kosovarë ishin kthyer vullnetarisht pak muaj më vonë, në Kosovën e çliruar.
Të ngjashme
Të tjera nga Lajme
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998