Gruaja
Si të dini kur produkti kozmetik është i skaduar?
Në shumë raste ajo që na shqetëson më shpesh është ngjyra apo tendenca estetike sesa data e skadimit të produkteve kozmetike që pushtojnë banjot apo çantat tona. Harrojmë se vërja e një kremi me datë të skaduar për disa muaj mund të shkaktojë dëme. Për t’iu shmangur surprizave të rrezikshme duhet të mësojmë se si lexohen këto etiketa.
Ashtu si çdo produkt, përmbajtja e grimit dhe e kremëve për lëkurë u nënshtrohen disa rregullave shumë të rrepta. Meqë këto produkte vihen në kontakt të drejtpërdrejtë me lëkurën tonë dhe me fusha të ndjeshme të fytyrës sonë(duke përfshirë edhe sytë), ju duhet t’i kushtoni një vëmendje të madhe datës së skadimit të tyre.
Produktet kozmetike janë të shënuara me një ikonë të vogël që përfaqëson një kuti të vogël me kapak të hapur si dhe më një numër dhe një shkronjë të vogël “m” (për “muaj”). Treguesi “12M” kallëzon se produkti mund të ruhet për 12 muaj nga data e hapjes. Sigurisht se ne kurrë nuk mendojmë të shënojmë datën e hapjes së kremit, të kuqve për buzë, apo të furçës për qerpik. Një refleks që duhet patjetër të merrni në qoftë se ju nuk dëshironi të ballafaqoheni me ndonjë befasi të keqe.
Kohëzgjatja e konservimit të një produkti kozmetik ndryshon shumë në varësi të natyrës së tij.
Një furçë për qerpik qëndron për rreth 3-6 muaj. Vetëm gjashtë, kaq? Po, sepse ky produkt është më i brishtë. Çdo hapje sjell ajër dhe promovon rritjen e baktereve. Kur ne e dimë se furça vihet në kontakt me qerpikët, rreziku i infeksionit bëhet më i mundshëm.
E njëjta gjë vlen për pudrën e bebëzave dhe eyeliner-in, jetëgjatësia e tyre nuk i kalon 3 muaj.
Bronzuesi për fytyrë mban një qëndrueshmëri që nuk i kalon 6 muaj. Uji i përmbajtur në këtë produkt përmban formula që e bëjnë të ndjeshëm ndaj baktereve.
Produktet që kanë pak ujë janë më pak të brishtë. Kështu, ne mund të vazhdojmë të përdorim buzëkuqet dhe lapsat për një vit pa problem.
Llaku gjithashtu ka një jetëgjatësi prej rreth një viti. Më pas, cilësia e tyre ndryshon, duke u bërë e zverdhur apo e thatë.
Kështu që pudra për faqe mund të përdoret lirshëm deri në 2 vjet pas hapjes.
Në përgjithësi, preferohen formatet në tuba ose kutitë me pompë. Ndryshe nga kutitë me kapak, në të cilat e përdorni gishtin, në tuba nuk ekziston rreziku i ndotjes bakteriale, të paktën ai zvogëlohet. Një tjetër këshillë: mos harroni t’i mbyllini mirë kutitë pas përdorimit dhe t’i mbani ato në një vend as shumë të lagët dhe as shumë të nxehtë.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Diskutohet institucionalizimi i mësimit plotësues të gjuhës shqipe në Konfederatën e Zvicrës
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?