Si po punojnë qytetet spanjolle për të reduktuar makinat

Noralí Nayla @noralinayla

Pontevedra ishte një qytet që njerëzit po largoheshin, sepse makina po e mbyste jetën nga qendra e saj mesjetare.

I vendosur për të shpëtuar qytetin nga tymrat, bllokimet dhe vdekjet nga aksidentet e trafikut, kryetari i këtij qyteti në veriperëndim të Spanjës solli një plan radikal për t’ia dorëzuar atë këmbësorëve.

“Ne kishim midis 80,000 dhe 150,000 makina që vinin çdo ditë në një qytet me 80,000 banorë, rreth trefishi i dendësisë së Madridit ose Londrës. Ishte e pamundur të vozisje apo të ecje. Kishte bllokime të përhershme. Njerëzit donin të largoheshin, sepse ishte shumë i bllokuar”, thotë kryetari Miguel Anxo Fernandez Lores, përcjell albinfo.ch.

Pontevedra vendosi të shkurtojë numrin e makinave që mund të hynin në mënyrë që vetëm “automjetet thelbësore” të lejoheshin në qendër.

Makinat nuk lejoheshin më të kalonin qytetin për të shkuar diku tjetër. Parkimi në rrugë përfundoi, sepse një studim tregoi se shumica e bllokimeve u shkaktuan nga njerëzit që përpiqeshin të gjenin një vend parkimi.

Të gjitha parkingjet sipërfaqësore u mbyllën në qendër të qytetit dhe ato nëntokësore u hapën jashtë qendrës së qytetit me 1686 vende të lira. Semaforët u zëvendësuan nga rrethrrotullimet dhe u zgjerua zona pa makina. Kufiri i shpejtësisë u ul në 30 km / orë ose edhe 10 km / orë në zonat e brendshme të qytetit.

Pontevedra fitoi çmime nga Kombet e Bashkuara dhe Bashkimi Evropian për mënyrën se si e ka transformuar qytetin.

“Ka 11 vjet që nuk ka pasur asnjë aksident me fatalitet. Ndotja është ulur në gjysmë ton për person në vit. Dhe cilësia e jetës është rritur jashtëzakonisht”, tha Lores.

Skema të ngjashme janë miratuar në Oviedo, San Sebastian dhe Logroño.

Qeveria spanjolle shpreson të përsërisë suksesin e Pontevedra-s diku tjetër, duke futur zona me emetim të ulët në 147 qytete deri në vitin e ardhshëm për të kufizuar ndotjen, bllokimin dhe zhurmën, përcjell tutje albinfo.ch.