Si do ta dëmtojë Rusinë largimi nga sistemit ‘SWIFT’?

Këto masa do të dëmtojnë ndjeshëm aftësinë e Putinit për të financuar luftën e tij

Gjermania dhe aleatët e saj perëndimorë kanë vendosur të përjashtojnë nga SWIFT, një sistem transferimi ndërkombëtar që përdoret për kryerjen e pagesave bankare, institucionet bankare ruse, thotë zëdhënësi qeverisë Steffen Hebestreit, përcjell Albinfo.ch.

“Ne jemi të përkushtuar për të siguruar që një numër i caktuar bankash ruse të hiqen nga SWIFT”, tha presidentja e Komisionit Evropian, Ursula von der Leyen, transmeton Dpa.

“Kjo do të sigurojë që këto banka të shkëputen nga sistemi financiar ndërkombëtar, duke dëmtuar aftësinë e tyre për të operuar globalisht”, shtoi ajo.

“Të gjitha këto masa do të dëmtojnë ndjeshëm aftësinë e Putinit për të financuar luftën e tij dhe ato do të kenë një ndikim të rëndë gërryes në ekonominë e tij. Putini është futur në një rrugë që synon të shkatërrojë Ukrainën, por ai gjithashtu është duke shkatërruar të ardhmen e vendit të tij”, tha ajo.

---